Təbiət elmləri üzrə mütəxəssis və zəlzələşünas Mehdi Zare Urmu Gölünün dirçəldilməsi üçün tamamilə mürəkkəb və hesablanmış planların icra olunması vaciblidiyini deyib.

Gunaz.tv

“Aprelin 28-də Urmu Gölünün ötən illə müqayisədə su həcminin artaraq 2.5 milyard kubmetrə çatdığı elan olundu. Lakin gölün dirçəldilməsi üçün bu yetərli deyil” - Mehdi Zare deyib.

Zare gölün 28 il əvvəl Yer kürəsinin ən böyük yüksək duzlu göllərindən biri olduğunu və İranın şimal-qərb bölgəsində yaşayan əhalini qida, peşə və sağlamlıq faydaları ilə təmin etdiyini vurğulayıb.

Məlumat üçün bildirək ki, İranın şimal-qərb bölgəsi dedikdə Urmu Gölünün yerləşdiyi Güney Azərbaycanın Qərbi Azərbaycan və Şərqi Azərbaycan əyalətləri nəzərdə tutulur.

“Urmu Gölü 2022-ci ilin ikinci yarısında qurumaqla bölgə əhalisində tənəffüs, göz və sair xəstəliklərə və digər nəticələrə səbəb olub.

Suyun quruması ilə törənən qasırğalar duz zərrəciklərini əhalinin ağ ciyərlərinə keçirir.
Əlavə olaraq yerli qida şəbəkəsinin məhv edilməsi ilə milyonlar insanın köç etməyə məcbur olacaqları Urmu gölünün qurumasının digər nəticələrindən biridir” Mehdi Zare təkid edib.

Mütəxəssi həmçinin bir müddədir yağıntıların nəticəsində gölün cüzi su ilə dolduğunu lakin bunun gölün dirçəlməsinə yetərli olmadığını deyib.

“Düşündürücü problem budur ki, Gölün döşəməsindəki formalaşmış çöküntülər bundan əvvəl su ilə dolmuş çuxurluqları duz və sair minerallarla doldurub.

Həmin çöküntülərin diametri artıq 7 metrə çatıb. Bu səbəbdən Urmu Gölünün dirçəldilməsi üçün tamamilə mürəkkəb və hesablanmış planların icra olunmasına ehtiyac vardır.

Əks təqdirdə ildən ilə yağıntılarla formalaşan bir Urmu gölünü müşahidə edəcəyik”-deyə təbiət elmləri üzrə mütəxəssis Mehdi Zare vurğulayıb.