Azərbaycan Molibden Mis Şirkətinin İdarə Heyətinin üzvü İran Milli Mis Sənayesi Şirkətinin illik iclasında keçən il Süngün Vərziğan “hip liçinig” layihəsində baş vermiş yanğının vurduğu 3 trilyon tümənlik zərəri üzə çıxarsa da o, Azərbaycanın sərvətlərinin talanmasına qarşı etirazları boğmaq məqsədilə şifahi və fiziki hücumlara məruz qalıb.

Gunaz.tv

Azərbaycan Molibden Mis Şirkətinin İdarə Heyətinin üzvü ötən il “Süngün Mis” Kompleksinin “hip liçinig” layihəsində baş vermiş yanğın nəticəsində dəymiş ziyanın həcmi ilə bağlı şok açıqlamalar verib. O, hadisənin 3 trilyon tüməndən çox ziyan vurduğunu, lakin hesabatlılıq və şəffaflıq əvəzinə şiddətə və repressiyalarla məruz qaldığını açıqlayıb.

Məlumatlı mənbələr hücumun koordinasiya edildiyini və pozuntuların daha çox açıqlanmasının qarşısını almaq üçün həyata keçirildiyini bildirir.

Süngün Vərziğan Mis Mədəni Yaxın Şərqdə ən böyük mis mədənidir və İranın mis istehsalının 60 faizi Azərbaycandakı bu nəhəng mədənin ehtiyatlarından əldə edilir. İran hökuməti Azərbaycanda bu mədəndən mis külçələrin istehsalının qarşısını alıb və onun torpağını xam halda Kirmana daşıyıb orada külçəyə çevirir və bu nəhəng Azərbaycan mədənindən əldə olunan gəlir də İranın mərkəzi hissəsində yerləşən Fars əyalətlərinin inkişafına xərclənir.

Bundan əvvəl Təbrizin keçmiş nümayəndəsi Əhməd Əlirza Beygi Azərbaycanda Süngün mis mədəninin talan edildiyini etiraf edərkən demişdi: “Vərziğandakı Süngün mis mədənindən hər gün 2 milyon dollar dəyərində konsentrat ixrac olunur”.