Təbrizin mərkəzi zindanında həbsdə saxlanan azərbaycanlı milli-mədəni fəal, siyasi məhbus Bəhmən Xaliqi həbsxananın klinikasına intiqal edilib.
Milli-mədəni fəal avqustun 15-də (mordadın 24-də) şiddətli mədə ağrısına görə klinikaya aparılıb.
Etibarlı bir mənbədən "Herana"nın reportyoruna (quzarişgər) məhbusun xəstəliyi haqqında məlumat verilib:
"Bəhmən Xaliqinin öncədən mədə xəstəliyi olub. O zindana gələrkən dava-dərmanını da özü ilə gətirib, lakin məmurlar onun dava-dərmanını alıb və zindana buraxıblar. O 2 ay ərzində düzgün müalicə də almayıb."
Qeyd edək ki, B.Xaliqi ağır diz ağrısından da əziyyət çəkir. Onun yaxınlarının sözlərinə görə, məhbusda diz ağrıları ETTELAAT (İran Kəşfiyyyat Nazirliyi) idarəsində işgəncə olduğuna görə əmələ gəlib.
Xatırladaq ki, adını çəkdiyimiz azərbaycanlı milli-mədəni fəal iki il öncə (13901-ci il) bir etiraz yığıncağında tutuqlanıb və Təbrizin inqilab məhkəməsinin 1-ci şöbəsində 6 ay qəti və 6 ay şərti (təliqi) həbsə məhkum edilib. O bu il yay fəslinin əvvəllərində məhkəmə hökmünün icrası üçün Təbrizin mərkəzi zindanına müraciət edib.