Pekində uzun müddət ərzində ilk dəfə olaraq koronavirusa yoluxma ocağı aşkarlanıb.

Trend xarici KİV-lərə istinadla xəbər verir ki, bu barədə Pekin Səhiyyə Komitəsinin mətbuat xidməti məlumat yayıb.

Qeyd olunur ki, şəhərin çoxlu sayda xarici turistin yaşadığı Çaoyan rayonunda barlardan birində COVID-19-a yoluxma halları qeydə alınıb. Hazırda 60-dan çox xəstəliyə yoluxma halını müəyyən edib.
Bildirilir ki, qeydə alınmış yoluxma ocağı barədə xəbərlər fonunda rayon administrasiyası karantin tədbirlərini sərtləşdirib. Belə ki, ərazidə barlar, restoranlar və kafelər də daxil olmaqla bütün ictimai obyektlər bağlanıb.