Müsbət məqam kimi onu xüsusi qeyd etmək lazımdır ki, həm ictimaiyyətin təzyiqi, həm də ifşaedici materialların üzə çıxması nəticəsində Ruslan Kravçenko nəhayət, Baş prokuror vəzifəsindən istefa vermək qərarına gəldi. Hesab edirəm ki, Prezident Aparatı haqlı olaraq belə bir qənaətə gəlib: Andriyiç vəzifəsində nə qədər uzun müddət qalsa, təkcə özünü deyil, həm də bütün prezident idarəetmə strukturunu daha çox gözdən salır. Parlamentdəki səsverməyə və deputatların bu məsələyə nə vaxt baxa biləcəklərinə gəldikdə isə, bunlar sadəcə təfərrüatdır.

Bunu ukraynalı hərbi ekspert İvan Stupak deyib.

"Ukrayinska Pravda"nın Baş Prokurorluğun hər bir zəng mərkəzindən guya ayda təxminən 7000 dollar alması barədə yaydığı məlumata gəldikdə, bu, həmin səviyyədəki bir qurum üçün olduqca cüzi və qeyri-ciddi məbləğ təsiri bağışlayır. Daha çox ehtimal olunur ki, bu, mərkəzin fasiləsiz fəaliyyətini təmin etmək məqsədilə ödənilən minimum məbləğlərdən biridir.

Məsələdən xəbərdar olanlar bildirirlər ki, hətta ən sadə zəng mərkəzi belə ayda təxminən 50 000 dollar gəlir əldə edə bilər" - o, qeyd edib.

Stupakın fikrincə, ən yüksək səviyyəli mərkəzlər üçün bu rəqəmlər 100 000 dolları xeyli üstələyir. Bununla belə, mümkündür ki, bu məbləğ "yalnız" Baş Prokurorluq üçün nəzərdə tutulmuş sabit aylıq payı əks etdirir. Bu halda, həmin rəqəm əhəmiyyət kəsb edir:

"Çox güman ki, Baş Prokurorluqla çağırış mərkəzləri arasında vasitəçilər digər hüquq-mühafizə orqanlarının əməliyyatçılarıdır. Tezliklə yeni personajlar və təfərrüatları əks etdirən əlavə hissələr olacağını gözləyirəm".

Cavid