Rusiya Xarici İşlər Nazirliyi rus diplomatlarının Avstriyadan qovulmasına cavab tədbirləri ilə bağlı işi açıqlayıb

"Xalq Cəbhəsi" Rusiya mətbuatına istinadən xəbər verir ki, Rusiya Federasiyası Avstriyanın dörd rus diplomatı persona non-qrata elan etməsinə reaksiya üzərində işləyir.

Bunu TASS-a Rusiya Federasiyasının dövlət katibi - Rusiya Federasiyasının xarici işlər nazirinin müavini Yevgeni İvanov bildirib.

Lakin o, cavabın güzgü və ya asimmetrik olacağını dəqiqləşdirməyib.

“Mütləq cavab olacaq”, - diplomat bildirib.

İvanov vurğulayıb ki, Moskva Vyananın qərarını “daha ​​bir qeyri-dost addım” kimi qiymətləndirir.

Xatırladaq ki, dünən Avstriya Xarici İşlər Nazirliyi respublikada akkreditə olunmuş dörd rusiyalı diplomatın persona non-qrata elan edildiyini açıqlayıb. Avstriya diplomatik departamenti iddia edir ki, Rusiya səfirliyinin iki əməkdaşı guya diplomatik statusları ilə bir araya sığmayan hərəkətlər ediblər. Onlara fevralın 8-dək ölkəni tərk etmək əmri verilib.

Cavid