RU

Son dəqiqə

Tramp, Polşadakı PUA ilə bağlı heç kimi müdafiə etməyəcəyini bildirib Dünya

  • 12 Sentyabr 17:17
  • 2 527

Tramp, Polşadakı PUA ilə bağlı heç kimi müdafiə etməyəcəyini bildirib

ABŞ Prezidenti Donald Tramp, Polşa hava məkanında baş verən PUA hadisəsi ilə bağlı heç kimi müdafiə etməyəcəyini açıqlayıb.

Xalqcebhesi.az xəbər verir ki, o, Fox News-a məsələ ilə bağlı sualı cavablandırarkən "Mən heç kəsi müdafiə etməyi düşünmürəm" deyib. – "Polşa onları vurdu. Hər halda, PUA-ların Polşaya yaxın olmasına icazə verilməməli idi."

10 sentyabr səhəri, Polşa ordusunun əməliyyat komandanlığı, ölkənin hava məkanını pozan bir neçə obyektin, o cümlədən PUA-ların məhv edildiyini açıqlayıb. Polşa Baş Naziri Donald Tuskun sözlərinə görə, 9-dan 10-a keçən gecə hava məkanının 19 dəfə pozulması qeydə alınıb. Hadisə ilə əlaqədar olaraq, Polşanın tələbi ilə NATO Şimali Atlantika Müqaviləsinin 4-cü maddəsini işə salaraq, alyans üzvləri ilə məsləhətləşmələrə başlayıb.

Məryəm Quliyeva