Almaniya Rusiyanın ölkə ərazisindəki 5 konsulluğundan dördünün fəaliyyət icazəsini ləğv edib.

Bu barədə Almaniya Xarici İşlər Nazirliyi məlumat yayıb.
Bildirilib ki, bu addım Rusiya tərəfinə cavab olaraq atılıb.

Almaniya Xarici İşlər Nazirliyinin sözçüsü Kristofer Burger jurnalistlərə bildirib ki, bu addım iki ölkə arasında “kadrlar və strukturlar arasında paritet” yaratmaq məqsədi daşıyır.

Qeyd edək ki, Rusiya hökuməti bu yaxınlarda bildirib ki, maksimum 350-yə qədər alman dövlət məmuru, o cümlədən mədəniyyət müəssisələrində və məktəblərdə çalışanlar Rusiyada qala bilər.

Burger onu da bildirib ki, Almaniya noyabr ayına qədər Rusiyadakı üç konsulluğunu da bağlamalı olacaq. Onun sözlərinə görə, Rusiyanın Berlindəki səfirliyinin və ilin sonundan sonra yalnız bir konsulluğunun fəaliyyətini davam etdirməsinə icazə veriləcək.