Gürcüstanın Konstitusiya Məhkəməsi Prezident Salome Zurabişvilinin impiçmenti ilə bağlı hesabatını oktyabrın ortalarında hazırlayacaq.

APA-nın Tbilisi müxbiri xəbər verir ki, bu barədə məhkəmənin hakimi Giorgi Tevdoraşvili növbəti sessiyadan öncə jurnalistlərə açıqlamasında bildirib. O, işin önəmli olduğunu və məhkəmənin oktyabrın 15-dək nəticəyə gələcəyini bildirib.

Qeyd edək ki, ötən gün Gürcüstanın Konstitusiya Məhkəməsində Prezidentin impiçmenti işi üzrə ilk dinləmə keçirilib. Məhkəmənin ikinci sessiyası bu gün baş tutacaq.