Gürcüstanın Baş naziri İrakli Qaribaşvilinin rəhbərlik etdiyi nümayəndə heyəti Qranadada keçiriləcək 3-cü Avropa Siyasi İcması sammitində iştirak etmək məqsədilə İspaniyaya səfərə gedib.

APA-nın Tbilisi müxbiri xəbər verir ki, məlumatı Gürcüstanın hökumət administrasiyası yayıb.
Bildirilib ki, hökumət başçısı 5-6 oktyabr tarixlərində baş tutacaq konfransın dəyirmi masa formatındakı tematik müzakirələrində iştirak edəcək.

Baş nazirin həmçinin sammit çərçivəsində ikitərəfli, yüksək səviyyəli görüşlər keçirəcəyi qeyd olunub.