Almaniyanın paytaxtı Berlində bir neçə min insan antisemitizm, nifrət və irqçiliyə qarşı etiraz aksiyası keçirib.

Trend xəbər verir ki, yürüş-mitinq HƏMAS-la İsrail arasında qarşıdurmanın başlamasından sonra antisemitizm hadisələrinin artması fonunda keçirilib.

Oktyabrın 7-dən - qarşıdurma başlayandan bəri Almaniyada yəhudi xalqına qarşı cinayətlərdə 3 dəfə artım qeydə alınıb.

Polis Berlində keçirilən etiraz aksiyasında 3000-dən çox insanın iştirak etdiyini bildirib.