“NATO-ya alternaiv olaraq yaradılan Kollektiv Təhlükəsizlik Müqaviləsi Təşkilatı faktiki olaraq Rusiya deməkdir”. Bunu xalqcebhesi.az-a açıqlamasında hərbi ekspert Ədalət Verdiyev deyib. O əlavə edib ki, Kollektiv Təhlükəsizlik Müqaviləsi Təşkilatının (KTMT) tərkibində Ermənistan varsa, o, formal bir hərbi blok hesab oluna bilər və onların NATO-ya qarşı imkanları kifayət qədər zəifdir: “İndiki vəziyyətdə artan təhdidlər fonunda həm Ukraynda davam edən müharibə, həm Yaxın Şərqdəki İsrailin Hizbullah, Həmas, İran, Suriya, İraq, Livanla apardığı hərbi əməliyyatlar fonunda yeni bir koalisiyanın Yaxın Şərqdə də yaranması təklifləri qapalı bir şəkildə hələki müzakirə edilir. Bu barədə real addımlar müzakirə olunmur”.