Şimali Koreya uzaqmənzilli raket və artilleriya sistemlərini Rusiya ordusuna təhvil verib.

Xalqcebhesi.az xəbər verir ki, bu barədə "Faynənşl Tayms" Ukrayna kəşfiyyatına istinadən məlumat yayıb.

Bildirilib ki, hərbi sistemlərin bir qismi Şimali Koreya əsgərləri ilə birlikdə Ukrayna hərbçilərini bu ərazidən sıxışdırıb çıxarmaq üçün Kursk vilayətinə köçürülüb.

Nəşrin əldə etdiyi hesabatda bildirilir ki, son həftələrdə Pxenyan təxminən 50 yerli istehsal olan 170 mm-lik M1989 özüyeriyən haubitsa və həm adi, həm də idarə olunan raketləri vura bilən 20 ədəd yenilənmiş 240 mm-lik reaktiv yaylım atəşi sistemi təqdim edib.