Rusiya qazının “Türk axını” qaz kəməri ilə Avropaya nəqli ardıcıl ikinci həftə tarixi rekordunu yeniləyib.

Bunu TASS-ın Avropa Qaz Ötürmə Sistemləri Operatorları Şəbəkəsinin (ENTSOG) məlumatlarına əsaslanan hesablamaları sübut edir.

Belə ki, fevralın 10-dan 16-dək Türkiyə və Bolqarıstan sərhədində yerləşən Strandja-2 kompressor stansiyasından (Türk axınının dəniz hissəsinin quruda davamı) nəqletmə 396 milyon kubmetri ötüb. Bu, 2020-ci ilin yanvarında qaz kəmərinin istifadəyə verilməsindən bəri mütləq həftəlik tədarük rekordudur. Bir həftə əvvəl maksimum müşahidə olunub - təxminən 392 milyon kubmetr.

Həmçinin bazar ertəsi, fevralın 10-da qaz kəməri ilə gündəlik rekord həddi - 56,7 milyon kubmetr ötüb. Belə ki, fevralda “Türk axını”nın Avropa istiqamətində orta yükü 2024-cü ilin dekabr ayı ilə müqayisədə 12%, yanvar ayı ilə müqayisədə isə 10% çoxdur.

Cavid