Nigeriyanın Niger ştatında güclü yağışların səbəb olduğu daşqın nəticəsində azı 150 nəfərin həyatını itirdiyi bildirilib.

Xalqcebhesi.az xəbər verir ki, Niger ştatına bağlı Mokwa şəhərində əvvəlki gün baş verən güclü yağışlar nəticəsində yaranan daşqınlarda 150-dən çox insanın öldüyü açıqlanıb. Axtarış-xilasetmə qrupları hələ də itkin düşənləri axtarmağa davam edir. Rəsmilər ölənlərin sayının daha da artacağından narahat olduqlarını bildiriblər.

Ştatın Fövqəladə Halların İdarə Olunması Agentliyinin sözçüsü İbrahim Audu Husseini, daşqın nəticəsində 3000-dən çox insanın evsiz qaldığını və 265 evin “tamamilə dağıldığını” qeyd edib.

Məryəm Quliyeva