"Məlum olsa ki, II Qaregin subaylıq andını pozub və övladı var, o, bütün ermənilərin katolikosu ola bilməz".

APA xəbər verir ki, bu barədə Ermənistanın Baş naziri Nikol Paşinyan “Facebook” səhifəsində yazıb.

"Bunu hər kəsin şəxsi və ailə həyatının toxunulmazlığı hüququna hörməti gözləyərək bildirirəm, lakin bütün ermənilərin katolikosunun belə şəxsi həyatı ola bilməz. Mən Erməni apostol kilsəsinin davamçısı kimi bu məsələni qaldırıram, çünki mən burada mənəvi təhlükəsizlik məsələsini görürəm və Ermənistanın Baş naziri kimi bu barədə danışıram, çünki dövlət təhlükəsizliyi məsələsini görürəm”, - Baş nazir deyib.

Paşinyan Eçmiədzini bu məsələ ilə bağlı mövqe bildirməyə çağırıb: “Bundan sonra məsələyə əlavə aydınlıq gətiriləcək”.