Meksikanın cənubunda kiçik təyyarənin qəzaya uğraması nəticəsində 3 nəfərin həyatını itirdiyi bildirilib.

Xalqcebhesi.az xəbər verir ki, Meksika Kənd Təsərrüfatı Nazirliyinin yaydığı açıqlamada, iribuynuzlu heyvanlara təsir edən qurd milçəklərinin yayılmasının qarşısını almaq məqsədilə aparılan sterilizasiya işlərində istifadə olunan kiçik təyyarənin, Qvatemala sərhədində yerləşən Çyapas ştatının Tapachula şəhəri yaxınlığında qəzaya uğradığı qeyd olunub.

Qvatemalaya məxsus təyyarədə olan meksikalı aqronom və 2 qvatemalalı pilotun həlak olduğu bildirilib. Qəzanın səbəbi ilə bağlı isə hələlik heç bir məlumat verilməyib.

Məryəm Quliyeva