Tayvanın şərq sahillərində 6,4 bal gücündə zəlzələ qeydə alınıb. Bu barədə məlumatı ölkənin Mərkəzi Meteorologiya İdarəsi (CWA) yayıb.

Xalqcebhesi.az xəbər verir ki, CWA-nın verdiyi açıqlamaya görə, yeraltı təkanlar yerli vaxtla saat 19:00-da (Bakı vaxtı ilə təxminən 15:00) baş verib. Zəlzələnin ocağı 30,9 kilometr dərinlikdə yerləşib. Episentr isə Hualyen əyalət mərkəzindən 69,9 kilometr cənubda yerləşib. Hualyen şəhərində təxminən 350 min nəfər yaşayır.

Hazırda hadisə nəticəsində xəsarət alanlar və dağıntılar barədə məlumat verilməyib.

Məryəm Quliyeva