Türkiyə Xarici İşlər Nazirliyi, İsrail nazirlərinin və siyasətçilərinin İordan çayının qərb sahilinin ilhaqı ilə bağlı açıqlamalarının ən sərt şəkildə rədd edildiyini açıqlayıb.

Xalqcəbhəsi.az “sabah.com.tr”yə istinadla qeyd edir ki, Türkiyənin ədliyyə naziri Yılmaz Tunc İsrail hökumət üzvlərinin “İordan çayının qərb sahilinin ilhaqı” ilə bağlı açıqlamalarını pisləyib. AKP sözçüsü Ömər Çelik bu açıqlamaların yeni təcavüz olduğunu vurğulayıb.

Bildirək ki, İsraildə koalisiya hökumətinin hakim Likud partiyasının bütün nazirləri Netanyahuya məktub yazaraq ayın sonuna qədər işğal altındakı İordan çayının qərb sahilinin İsrailə birləşdirilməsini tələb etmişdilər.