ABŞ Avropa İttifaqından idxal olunan kənd təsərrüfatı məhsullarına 17 faiz gömrük rüsumu tətbiq edəcəyi ilə hədələyib.

APA xəbər verir ki, bu barədə "Financial Times" qəzeti mənbələrə istinadən məlumat yayıb.

Qeyd olunur ki, bu xəbərdarlıq ABŞ-ın paytaxtı Vaşinqtonda iyulun 3-də Avropa Komissiyasının ticarət və iqtisadi təhlükəsizlik üzrə komissarı Maros Seferoviç ilə keçirilən görüşdə diqqətə çatdırılıb və ertəsi gün Aİ-yə üzv ölkələrin səfirlərinə də təqdim edilib.