Fransanın Oriyak şəhərində yerləşən Hotel de Bordeaux otelinin damında yerləşən arı pətəyindən çıxan arı sürüsü turistlərə hücum edib. Hadisə nəticəsində 24 nəfər yaralanıb, onlardan üçünün vəziyyəti ağırdır.

Xalqcebhesi.az xəbər verir ki, bu barədə Metro qəzeti Fransız KİV-lərinə istinadla məlumat yayıb.

Xüsusilə yaşlı bir qadın 25 arı sancması alıb, ürəyi dayanıb, lakin həkimlər onu xilas edə biliblər. Yaralıların hamısı yaxınlıqdakı xəstəxanaya yerləşdirilib.

Hadisə yerinə dərhal gələn polis otelin ətrafını təhlükəsizlik məqsədilə bağlayıb, pətəyi çıxarmaq üçün arıçı cəlb olunub. Rəsmilər daha sonra bildirib ki, arıların uçuşu dayandırılıb və vəziyyət nəzarət altındadır.

Məryəm Quliyeva