ABŞ prezidenti Donald Trampın Ukraynada nizamlanmaya dair razılaşma olmadığı halda Rusiyaya idxal rüsumları tətbiq etmək niyyəti ilə bağlı bəyanatlarından sonra ABŞ Senatı Rusiyaya qarşı sanksiyaların sərtləşdirilməsi ilə bağlı qanun layihəsini irəli sürməkdən çəkinəcək.

Bunu Konqresin yuxarı palatasındakı respublikaçı çoxluğun lideri Con Tun (Cənubi Dakota ştatından) deyib.

"Görünür, prezident bunun bir hissəsini özü etməyə çalışacaq", - "Politico" onun sözlərindən sitat gətirir.
"Əgər nə vaxtsa prezident bunun effektli olacağı qənaətinə gəlsə və ona bu danışıqlarda ehtiyacı olan əlavə çəki və təsir rıçaqını versə onda biz bunu edəcəyik. Biz hazır olacağıq", - Tune əlavə edib.

"Biz əlimizdən gələni edəcəyik, strategiyanı Ağ Evlə və əlbəttə ki, Nümayəndələr Palatası ilə əlaqələndirəcəyik" deyib senator.

Cavid