“El Pais” qəzetinin hökumət mənbələrinə istinadən verdiyi məlumata görə, İspaniya ABŞ-dən F-35 almaq planlarını dayandırıb.

İspaniya F-35-lərin istehsalçısı olan ABŞ-nin Lockheed Martin şirkəti ilə danışıqları qeyri-müəyyən müddətə dayandırıb.
İspaniyanın Eurofighter kimi Avropa alternativlərə yönəldiyi və onları nəzərdən keçirdiyi qeyd edilir.

Bildirək ki, İspaniya hökuməti aprel ayında 12,126 milyard dollarlıq müdafiə xərcləri planını təsdiqləyib və ümumi daxili məhsulunun 2 faizini müdafiə və təhlükəsizliyə ayırmağı öhdəsinə götürüb. Lakin İspaniyanın bu vəsaitin 85 faizini Avropada istehsal edilən hərbi sistemlərə yönəltmək qərarı ilə ABŞ-də istehsal olunan F-35-ləri alması milli müdafiə prioritetləri ilə ziddiyyət təşkil edir.