Çinin Sincan bölgəsində asma körpüdə kabelin qopması nəticəsində 5 nəfər ölüb, 24 nəfər yaralanıb.

Xalqcebhesi.az xəbər verir ki, Çinin şimal-şərqindəki Sincan bölgəsində asma körpünün kabeli qopub.

Körpüdə olan 29 nəfər aşağı düşüb, 5 nəfər həyatını itirib, 24 nəfər yaralanaraq xəstəxanaya aparılıb.

Sosial mediada paylaşılan görüntülərdə kəndir qopduqdan sonra körpünün bir tərəfə əyildiyi, bəzi turistlərin körpünün asılmış tərəfindən yapışaraq təhlükəsiz şəkildə sahilə çatmağa çalışdığı görünür.

Hadisə ilə bağlı istintaq başladılıb və turizm zonası müvəqqəti olaraq bağlanıb.

Məryəm Quliyeva