Türkiyənin Karabük bölgəsində meşəlik ərazidə baş verən və avqustun 5-də nəzarət altına alınan yanğın yenidən böyüyüb.

Xalqcəbhəsi.az “A haber”ə istinadən xəbər verir ki, qruplar yanğını söndürmək üçün səylə çalışırlar.

Karabük Bələdiyyə başçısı Özkan Çetinkaya yanğın bölgəsinə baxış keçirərək "Hazırda yaşayış məntəqələri üçün gözlənilən təhlükə yoxdur. İnşallah, külək güclənməsə, bu axşam nəzarət altına alacağımızı ümid edirik" deyə bildirib.

Külək səbəbindən qısa müddətdə sürətlə böyüyən yanğında 80 ailənin yaşadığı Yeşilköyün kəndinin boşaldılmasına qərar verilib.