Rusiyanın üç MiQ-31 qırıcısının Estoniyanın hava məkanını pozduğu iddia edilir.
Xalqcebhesi.az “İnterfaks”-a istinadən xəbər verir ki, bu barədə Estoniya Müdafiə Qüvvələrinin Baş Qərargahı məlumat yayıb.

Estoniya hərbçilərinin məlumatına görə, Rusiya qırıcıları Vaindloo adası istiqamətindən Estoniyanın hava məkanına "icazəsiz" daxil olub və orada təxminən 12 dəqiqə qalıb.

Təyyarənin transponderlərinin söndürüldüyü, Estoniya hava dispetçerləri ilə ikitərəfli radio rabitəsinin kəsildiyi iddia edilir.

Estoniya Xarici İşlər Nazirliyi bildirib ki, hadisə ilə bağlı etiraz bildirmək və nota təqdim etmək üçün Rusiya Federasiyasının Estoniyadakı müvəqqəti işlər vəkilini artıq çağırıb.

Məryəm Quliyeva