Qəzza zolağında atəşkəs razılaşmasının bağlanması ilə beynəlxalq ictimaiyyətin Fələstin anklavına dəstək vəzifəsi bitməyib, ancaq başlayıb.

Xalqcebhesi.az xəbər verir ki, bunu Türkiyə prezidenti Rəcəb Tayyib Ərdoğan bazar ertəsi müqaviləyə həsr olunmuş sülh sammitinin keçirildiyi Misirin Şarm əl-Şeyxindən qayıdarkən jurnalistlərə bildirib.

"Atəşkəs razılaşması ilə beynəlxalq ictimaiyyətin vəzifəsi sona çatmadı, ancaq başladı. Biz Qəzzaya dəstəyimizi davam etdirməliyik və soyqırımın unudulmaması üçün mübarizə aparmalıyıq. Qəzzada törədilən soyqırımına görə məsuliyyət daşıyanların məsuliyyətə cəlb edilməsi üçün səylərimizi gücləndirməliyik", - Türkiyə prezidenti bildirib.

Məryəm Quliyeva