Ukrayna Silahlı Qüvvələri Novorossiysk şəhəri yaxınlığında yerləşən Xəzər Boru Kəməri Konsorsiumu (CPC) Dəniz Terminalına pilotsuz katerlərlə hücum həyata keçirib.

Bu barədə "RİA Novosti" şirkətə istinadən məlumat yayıb.

Məlumata görə, hücum nəticəsində terminalların birindəki körpülərdən biri ciddi zədələnib və onun bundan sonra istismarı mümkün deyil.

Terminalın əməkdaşları və podratçıları arasında xəsarət alan yoxdur. Həmçinin neftin Qara dənizə sızmasının qarşısı alınıb.

Qeyd edilib ki, hadisə ilə bağlı araşdırma aparılır.