"Düşünürəm ki, ABŞ Rusiyaya çox təzyiq göstərmək istəmədiyi üçün hazırkı aranı nə iləsə doldurmalıdır. Və bu cür danışıqlar onların sülhə nail olmaq istəyini nümayiş etdirir. Ukrayna və Aİ üçün bunlar qəbuledilməz şərtlərdir.

Bunu xalqcebhesi.az-a Ukrayna Milli Strateji Araşdırmalar İnstitutunun Xarici Siyasət Araşdırmaları Mərkəzinin baş məsləhətçisi, iqtisad elmləri namizədi İvan Us dünən ABŞ və Ukrayna nümayəndə heyətləri arasında Floridada Ukrayna böhranının həlli ilə bağlı aparılan danışıqlara münasibətində deyib.

"Üstəlik, sülh planının müddəalarının Rusiyanın təşəbbüskarı olması onların həyata keçirilməsini qeyri-mümkün edir. Bu, həm Ukrayna, həm Aİ, həm də hüquqi baxımdan ABŞ üçün mənəvi cəhətdən problemlidir. Axı onların qanunvericiliyi digər ölkələrin Dövlət Departamentinin və ABŞ Konqresinin təsdiqi olmadan öz təşəbbüslərini irəli sürməsini qadağan edir" - deyib politoliq.

O, qeyd edib ki, bunların heç biri baş vermədi: "Bəli, Çini də unutmayaq. O, müharibənin bitməsini və heç bir tərəfin qalib gəlməsini istəmir, çünki Rusiyanın Ukraynaya qarşı müharibəsi diqqəti ondan yayındırır. Deməli, onların da Ukraynanın kapitulyasiyasını nəzərdə tutan sülh planının həyata keçirilməsinə mane olacağını istisna etmirəm".

Cavid