Livanın xarici işlər naziri Yusif Racci İranı Hizbullahla bağlı yeni yanaşma ortaya qoymağa çağırıb.

APA “Al Arabiyya” kanalına istinadən xəbər verir ki, Yusif Racci İranın xarici işlər naziri Abbas Əraqçi ilə görüşündə rəsmi Tehranın Hizbullahın silahları ilə bağlı məsələdə Livanla danışıqlar aparmasının əhəmiyyətini vurğulayıb.

Racci iranlı nazirə ünvanladığı ritorik sualda İranın öz ərazisində qeyri-qanuni silahlı bir təşkilatın mövcudluğuna razı olub-olmayacağını soruşub və əlavə edib ki, Livanın müdafiəsi ilə bağlı məsuliyyəti yalnız Livan dövləti daşıyır.

Qeyd edək ki, bundan əvvəl Livan ordusu ölkənin cənubunda olan hərbi texnikaya və silahlara nəzarəti tam bərpa etdiyini elan edib.