İran Omanda ABŞ ilə danışıqlar zamanı Yaxın Şərqdəki raket proqramına və ya xarici siyasətinə qoyulan məhdudiyyətləri müzakirə etmək niyyətində deyil.

Xalqcebhesi.az xəbər verir ki, bu barədə "Bloomberg" mənbələrə istinadən məlumat yayıb.

Mənbələrin verdiyi məlumata görə, İran nümayəndələri yalnız nüvə proqramı ilə bağlı məsələlər üzrə dialoqa hazırdır.

Bloomberg-in mənbələrinə görə, əvvəlcədən planlaşdırılmışdı ki, danışıqlar Türkiyədə keçiriləcək, iştirakçılar isə İranın Xarici İşlər Naziri Abbas Araqçi, ABŞ Prezidentinin xüsusi nümayəndəsi Stiven Uitkof və iş adamı Cared Kuşner olacaq.

Eyni zamanda, Misir, Qətər, Birləşmiş Ərəb Əmirlikləri, Oman, Pakistan və Səudiyyə Ərəbistanı hərbi eskalasiyanın qarşısını almaq üçün diplomatik səylər göstərirlər.

Məryəm Quliyeva