ABŞ Senatının Demokratlar Partiyasından olan üzvü Mark Uorner Vaşinqtonun İrana qarşı “hərtərəfli təzyiq” göstərmək üçün kifayət qədər resurslara malik olub-olmadığına şübhə etdiyini bildirib.

Xalqcebhesi.az xəbər verir ki, onun sözlərini "CBS News" telekanalı yayıb.

Uorner qeyd edib ki, ABŞ-ın “İrana hərtərəfli təzyiq göstərmək imkanı yoxdur”.

“İran xalqı kütləvi şəkildə küçələrə çıxanda və prezident “Narahat olma, biz sənə kömək edəcəyik” dedikdə, o, bunu edə bilmədi və ya etməməyi seçdi, çünki orada bütün donanma yox idi, çünki adətən Aralıq dənizində olan təyyarədaşıyan gəmi Venesuela sahillərində blokadada iştirak edirdi”, -deyə Uorner bildirib.

Senator vurğulayıb ki, avropalılar İrana qarşı “çox böyük təzyiq” göstərə bilərdilər, lakin onlar Qrenlandiya problemləri və “NATO-nun xilas edilməsi” ilə həddindən artıq məşğul olublar.

Məryəm Quliyeva