Nigeriyanın Kano əyalətində sərnişin daşıyan yük maşınının diqqətsiz sürücülük səbəbindən törətdiyi qəzada 30 nəfər ölüb, çox sayda insan yaralanıb.

Xalqcebhesi.az xəbər verir ki, Kano Valiliyinin yaydığı açıqlamaya görə, əyalətin Kvanar Barde bölgəsində sərnişin daşıyan yük maşını ehtiyatsız sürücülük nəticəsində qəzaya uğrayıb.

Qəza nəticəsində 30 nəfər həyatını itirib, çox sayda insan yaralanıb.

Kano əyalətinin qubernatoru Abba Yusuf hadisəni “ürəkparçalayan” adlandıraraq, bunun əyalət üçün böyük itki olduğunu bildirib və həlak olanların ailələrinə başsağlığı verib.

Yusuf xüsusilə ağır tonnajlı nəqliyyat vasitələrinin sürücülərinə diqqətsiz avtomobil idarə etməmək və yol hərəkəti qaydalarına ciddi şəkildə riayət etmək çağırışı edib.

Məryəm Quliyeva