Sənadakı güc strukturlarındakı mənbələr, Hörmüz boğazı ətrafında vəziyyətin daha da gərginləşəcəyi təqdirdə ABŞ-ın "düşmənçilik hərəkətlərinə" mane olmağa hazır olduqlarını bəyan ediblər.

Xalqcebhesi.az xəbər verir ki, bu barədə Livanın "Al Akhbar" qəzeti məlumat yayıb.

Nəşrin məlumatına görə, Yəmən rəsmiləri regionda artan gərginlik fonunda Qırmızı dəniz akvatoriyasında ABŞ Hərbi Dəniz Qüvvələri ilə aktiv hərbi toqquşmaların bərpasını istisna etmirlər. Səna həmçinin Amerikanın hərbi iştirakının gücləndiyi bir şəraitdə "Müqavimət Oxu" adlandırılan qüvvələri dəstəkləməyə hazır olduqlarını bildirib.

Onlar həmçinin qeyd ediblər ki, "Ərəbistan dənizində ABŞ-ın hərbi gücünü artırması və Vaşinqtonun bundan İrana qarşı blokada tətbiq etmək üçün istifadə etməsi tezliklə Yəmənin müdaxiləsi ilə qarşılanacaq". Əlavə edilib ki, "Ərəbistan dənizindən İrana və ya hər hansı bir müsəlman ölkəsinə qarşı düşmənçilik fəaliyyəti məqsədilə istifadə edilməsinin qarşısını almağa yönəlmiş Yəmən tədbirləri görüləcək".

Məryəm Quliyeva