ABŞ hakimiyyəti Tehranla diplomatik qarşılıqlı fəaliyyətin istənilən nəticəni vermədiyini hesab edərsə, İrana qarşı sonrakı addımlar üçün digər variantlara əl atmaq niyyətindədir.

Xalqcebhesi.az xəbər verir ki, bu barədə ABŞ-nin dövlət katibi Marko Rubio jurnalistlərə bildirib.

"ABŞ Prezidenti Donald Trampın dediyi kimi, o tələsmir və pis saziş bağlamayacaq, — deyə Hindistanda səfərdə olan Amerika xarici siyasət idarəsinin rəhbəri qeyd edib. — Biz alternativ variantları sınamazdan əvvəl diplomatiyaya tam şəkildə şans verəcəyik".

"Bizim ya yaxşı sazişimiz olacaq, ya da fərqli bir yolla hərəkət etməli olacağıq", — deyə Rubio Vaşinqton administrasiyasının İrana qarşı sonrakı addımlarını nəzərdə tutaraq vurğulayıb. Dövlət katibi tərəflərin hələ də mümkün razılaşmalar üzərində işlədiyini qeyd edib.

Məryəm Quliyeva