İsrail Müdafiə Ordusu (SAXAL) Qəzza zolağına endirdiyi zərbə nəticəsində Fələstinin radikal "İslam Cihadı" qruplaşmasının döyüşçü dəstəsinin komandirini zərərsizləşdirib. Sözügedən şəxs 7 oktyabr 2023-cü ildə İsrail ərazisinə edilən hücumda və israilli girovların saxlanılmasında iştirak edib.

Xalqcebhesi.az xəbər verir ki, bu barədə ordunun mətbuat xidməti məlumat yayıb.

"İsrail Müdafiə Ordusu 7 oktyabr qırğını zamanı İsrail ərazisinə daxil olan və girovların saxlanılmasında iştirak edən "İslam Cihadı" terrorçu dəstəsinin komandiri Talal Cabir Abd əl-Aalı zərərsizləşdirib", — deyə bəyanatda bildirilir. Mətbuat xidmətindən həmçinin qeyd ediblər ki, "zərbədən əvvəl mülki əhaliyə dəyə biləcək ziyanı minimuma endirmək üçün tədbirlər görülüb".

Məryəm Quliyeva