ABŞ-ın Florida ştatında yaşayış binasının çökməsi nəticəsində ölənlərin sayı artaraq 12 nəfərə çatıb.

TASS xəbər verir ki, bunu Mayami-Deyd dairəsinin rəhbəri Daniella-Livayn Kava mətbuat konfransında bildirib.

Kava deyib ki, son rəsmi məlumatlara görə, 149 nəfərin taleyi barədə heç bir məlumat yoxdur.

Qeyd edək ki, Mayamidə (Florida) çoxmərtəbəli yaşayış binası iyunun 24-nə keçən gecə çöküb.

Həmin gün 37 nəfər dağıntılar altından xilas edilib, lakin sonradan sağ qalan tapılmayıb.

Xatırladaq ki, sözügedən bina 1981-ci ildə inşa edilib.