Dünən Bakıda yaşayış binasında yanğın olub. Nəsimi Rayon Polis İdarəsindən APA-ya verilən məlumata görə, yanğın saat 13.56-da Dilarə Əliyeva küçəsi 239/8 ünvanında yerləşən beşmərtəbəli yaşayış binasının üçüncü mərtəbəsində başlayıb.
Hadisə yerinə Nəsimi Rayon Dövlət Yanğından Mühafizə Hissəsinin əməkdaşları cəlb edilib. Binada olan sakinlər təxliyə edilib. Yanğın söndürülüb. Yanğının baş verməsinə elektrik naqillərində baş verən qısaqapanma səbəb olub.