"Rusiyanın cari ilin fevral ayınadək qısa və orta mənzilli raketlərin ləğvi müqaviləsinə qayıtması son şansıdır".
Bunu NATO-nun baş katibi Yens Stoltenberq bildirib.
"Rusiyanın müqaviləyə əməl etməyə dönməsi ehtimalının olub-olmaması barədə fərziyyə yürütmək fikrim yoxdur. Əsas odur ki, indi Rusiyanın əlində son şans var. Rusiya bu müqaviləyə qayıtmasa, qarşımıza ciddi problem çıxacaq, çünki İNF Müqaviləsi dağılacaq", - baş katib ABŞ hökumətinin bu müqavilədən fevral ayında çəkilə biləcəyi barədə bəyanatını şərh edərkən bildirib.
Bundan əvvəl Rusiya Prezidenti Vladimir Putin yeni "X-101" tipli raketlərin sözügedən müqaviləni pozmadığını bildirmişdi.
ABŞ-ın dövlət katibi Maykl Pompeo dekabrın 4-də Rusiyanın İNF-yə qayıtmaq üçün iki ay vaxtı olduğunu açıqlamışdı.