Bu aydan etibarən Azərbaycanda "3DSecure" ödəmələrin təsdiqlənməsinin yenilənmiş versiyası işə salınıb.

Bunu cümə günü Azərbaycan Mərkəzi Bankının Ödəniş sistemləri və hesablaşmalar departamentinin direktoru Kəmalə Qurbanova mətbuat konfransında deyib.

Onun sözlərinə görə, yeni versiya modernləşdirilib və daha təhlükəsizdir.

"Yenilənmiş təsdiqləmə üsulu artıq bütün banklar tərəfindən inteqrasiya olunub. Biz ödəmələrin təhlükəsizliyinin təmin olunması ilə bağlı bütün zəruri işləri davam etdiririk". - deyə o bildirib.