İran vətəndaşlarına, ABŞ iş adamı İlon Maskın SpaceX şirkətinə məxsus peyk internet xidməti Starlink-dən istifadə etdikləri üçün qamçı zərbəsi, cərimə və ya iki ilədək həbs cəzası verilə bilər.

Xalqcebhesi.az xəbər verir ki, bu barədə ISNA agentliyi məlumat yayıb.

İran parlamenti, ölkə daxilində sertifikatlaşdırılmamış bütün internet vasitələrinin və rabitə avadanlıqlarının, o cümlədən Starlink avadanlıqlarının istifadəsi, satışı, alışı, idxalı, istehsalı və yayımını qadağan edən qanun layihəsini qəbul edib.

DPA agentliyinin məlumatına görə, bu qanunu pozanlara maliyyə cərimələri, qamçı ilə cəzalandırma və ya iki ilədək həbs kimi cəza tədbirləri tətbiq edilə bilər.

Xatırladaq ki, daha əvvəl İlon Mask İranın ali rəhbəri Ayətullah Əli Xameneiyə sosial mediada “ABŞ böyük şeytan, yoxsa ən böyük şeytanmı?” sualını vermişdi.

Məryəm Quliyeva