Ermənistanda yol qəzası baş verib, 5 nəfər ölüb, daha 3 nəfər yaralanıb.

Bu barədə “Shamshyan” saytı məlumat yayıb.

Məlumata görə, hadisə bu gün saat 12:00 radələrində Armavir–Gümrü avtomobil yolunda qeydə alınıb.

“Opel” və BMW markalı avtomobillər toqquşub, nəticədə BMW yoldan çıxaraq xəndəyə düşüb.

Faktla bağlı cinayət işi başlanıb, ölən və yaralananların şəxsiyyəti müəyyənləşdirilir.