Cənubi Qafqazda real sülh və təhlükəsizlik bərqərar olub. Bu sabitliyin əsas qarantı məhz Azərbaycandır.

Bunu Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev bu gün mərkəzdə keçirilən dəyirmi masada deyib.

Fərid Şəfiyev regiondakı mürəkkəb geosiyasi vəziyyətə toxunaraq bildirib ki, hazırda həm şimal, həm də cənub istiqamətində müharibələr davam edir və bu münaqişələrin necə yekunlaşacağı hələ də qeyri-müəyyəndir.

BMTM sədri İran ətrafında vəziyyətin gərgin olaraq qaldığını vurğulayıb.

Onun sözlərinə görə, belə bir şəraitdə bəzi qüvvələr bölgədə formalaşmış yeni reallıqlara qarşı fəaliyyət göstərirlər.

Fərid Şəfiyev qeyd edib ki, bu təzyiqlər yalnız bir istiqamətdən qaynaqlanmır.

“Təəssüf ki, Avropa tərəfindən də Azərbaycana qarşı müəyyən fəaliyyətlərin şahidi oluruq”, - o əlavə edib.