Ukrayna məhkəməsi Zelenskinin Ofisinin sabiq rəhbəri Andrey Yermakı 60 gün müddətinə həbs edib.

Ukrayna mediasının xəbərinə görə, Yermak Kiyev yaxınlığında elit tikinti zamanı çirkli pulların yuyulması işində təqsirli bilinir.

Məhkəmə 140 milyon qrivna (təxminən 3,1 milyon dollar) məbləğində girov təyin edib. İstintaqa görə, söhbət 460 milyon qrivnanın leqallaşdırılmasından gedir.

Yermak ittihamları əsassız adlandırıb və girov qoymaq üçün pulunun olmadığını bildirib. Qərardan apellyasiya şikayəti veriləcək.