Sidneydə Avstraliya-Azərbaycan Assosiasiyası və Güney Azərbaycan Demokratik Türk Birliyinin (GADTB) də qatıldığı Türk Festivalı keçirilib.

Festivala Avstraliya-Azərbaycan Assosiasiyasının (AAA) Prezidenti, GADTB-nin Beynəlxalq Əlaqələr Departamentinin sədri Mikayıl bəy Oyta və Birliyin qadın departamentinin sədri Sara xanım Azərsun böyük bir pavilyonla qatılıblar.

Şəhərin mərkəzində təşkil edilən festivala Türkiyədən, Tatarıstandan, Azərbaycandan, Quzey Qıbrıs Türk Cümhuriyyətindən, Macarıstandan, həmçinin uyğurlar, aborigenlər qatılıblar.

Türkiyənin Sidneydəki baş konsulu da Avstraliya-Azərbaycan Assosiasiyası və GADTB-nin pavilyonuna baş çəkib.

Festivalda Melborndan dəvət edilmiş Azərbaycan musiqi qrupu da musiqi ifa edib.