Türkiyədə məktəbə girən silahlı şəxs ətrafa atəş açıb.

Xalqcebhesi.az NTV-yə istinadla xəbər verir ki, hadisə Şanlıurfa əyalətinin Siverek rayonunda baş verib.

Şanlıurfanın Siverek rayonunda bir hücumçu daxil olduğu liseydə ətrafa nizamsız atəş açaraq 7 nəfəri yaralayıb. Məktəbin içərisində olan hücumçunun bəzi tələbələri girov götürdüyü iddia edilir.

Yaralıların olduğu bildirilən hadisə ilə əlaqədar bölgəyə çox sayda təcili tibbi yardım briqadası və xüsusi təyinatlı polis qüvvələri cəlb olunub.

Həsən Çələbi məhəlləsində yerləşən Əhməd Koyuncu Peşə və Texniki Anadolu Liseyində bir şagirdin silahlı hücum həyata keçirdiyi qeyd olunur.

Bölgədə hücumçunun zərərsizləşdirilməsi istiqamətində işlər davam edir.

Məryəm Quliyeva