İran və ABŞ arasında Yaxın Şərqdəki münaqişənin nizamlanmasına dair danışıqlar çox sürətli olmasa da, irəliləyir. Son məlumatlara görə, vasitəçilər ölkələr arasında atəşkəs rejiminin uzadılması barədə razılığa yaxınlaşıblar.

Xalqcebhesi.az xəbər verir ki, bu barədə "AP" nəşri öz mənbələrinə istinadən yazır.

"Çərşənbə günü yerli rəsmilər bildiriblər ki, ABŞ və İran diplomatik danışıqların davam etdirilməsinə vaxt qazandırmaq məqsədilə müddəti aprelin 22-də bitən iki həftəlik atəşkəsin uzadılması barədə 'prinsipial razılıq' əldə ediblər", — deyə xarici nəşrin materialında bildirilir.

Mənbə iddia edir ki, vasitəçilər hazırda İranın nüvə proqramı, Hörmüz boğazı və İrana dəymiş hərbi ziyanın ödənilməsi ilə bağlı kompromis həllər üzərində işləyirlər.

Məryəm Quliyeva