Los-Anceles sakini, əslən iranlı olan amerikalı Məcid Müqəddəsi, 17 yaşlı qardaşı oğlu Erfan Fərəcinin ölümündən sonra ABŞ Prezidenti Donald Trampdan şəxsi başsağlığı məktubu alıb.

Xalqcebhesi.az xəbər verir ki, bu barədə "New York Post" məlumat yayıb.

Müqəddəsinin sözlərinə görə, Erfan yanvarın 8-də İranda keçirilən hökumət əleyhinə etirazlar zamanı öldürülüb. «Prezident Trampdan məktub alanda çox həyəcanlandım. Hiss etdim ki, nəhayət qardaşım oğlunun səsini eşitdilər», — deyə o bildirib.

Məktubda Tramp qeyd edib ki, onun administrasiyası «Ayətullahın və onun qanlı rejiminin ədalət qarşısında cavab verməsi üçün bütün səyləri göstərir». O, həmçinin İran xalqını azadlıq və demokratiya yolunda dəstəkləyəcəyinə söz verib. Müqəddəsi faciədən iki gün sonra Ağ Evə müraciət ünvanlayıb və artıq yanvarın 13-də cavab alıb.

Məryəm Quliyeva