Rusiya gizli şəkildə İrana qabaqcıl səsdən sürətli kruiz raketlərinin hazırlanmasına kömək edib.

Xalqcebhesi.az xəbər verir ki, bu, Moskvadan Tehrana strateji hərbi texnologiyaların ötürülməsi ilə bağlı məlum olan ən mühüm hallardan biridir.

"C430L" kod adlı çoxillik məxfi proqram çərçivəsində Yaxın Şərqdə Amerika aviadaşıyıcılarına və digər hərbi gəmilərinə təhdid yarada biləcək yeni silah növünün hazırlanmasında İrana kömək etmək üçün Rusiyanın ən təcrübəli raket mütəxəssislərindən bəziləri cəlb olunub.

"Financial Times"ın araşdırması göstərib ki, proqram 2023-cü ildə başlayıb və İsrail ilə ABŞ-nin İranla müharibəsinə qədər davam edib. Jurnalistlər Rusiyanın sızdırılmış yazışmalarını, səfər məlumatlarını və hərbi patentlərini araşdırıblar. Layihənin əsas məqsədi qanadlı raketin səs sürətindən bir neçə dəfə yüksək sürəti saxlamasına imkan verən düzaxınlı hava-reaktiv mühərrikinin yaradılması olub.

Ekspertlər hesab edirlər ki, bu texnologiya demək olar ki, mütləq gəmiəleyhinə və quru bazalı qanadlı raketlər üçün nəzərdə tutulub. FT-nin məlumatına görə, belə bir proqramın icrası Rusiyada ən yüksək səviyyədə siyasi təsdiq tələb edib.

Məryəm Quliyeva