BP 2027-ci ilə qədər ənənəvi neft və qaz sahəsində illik sərmayələrini 10 milyard ABŞ dollarına qədər artırmağı planlaşdırır.

“APA-Economics” xəbər verir ki, bunu Bakı Enerji Forumunda çıxışı zamanı BP şirkətinin Azərbaycan, Gürcüstan və Türkiyə üzrə regional Prezidenti Qəri Counz deyib.

O bildirib ki, məqsəd gündəlik hasilatı 2,3–2,5 milyon barelə çatdırmaqdır. Bununla yanaşı, BP emissiyaların azaldılması istiqamətində konkret addımlar atır.

“AÇG yatağında yüksək keyfiyyətli neft hasilatını maksimum səviyyəyə çatdırmaq üçün çalışırıq. Eyni zamanda, rutin qaz yandırmanı dayandırır, metan emissiyalarını ölçür və ətraf mühitə təsiri minimuma endirməyə çalışırıq”, – deyə o vurğulayıb.